Mići Bodulić se pita ZAČ?

Jutra gren va školu, ali su mi rekli da moran imit masku. Ma zač, kada ni mesopust?

Čera san bil va Veji i kušal finiiii pekmez od smokav. Jedna teta ga je isto provala i rekla da ona voli slatko, ali da je ovaj presladak? Neki dan je kod nas bila ujna Mare. Tata njoj je natočil biru a ona je srknula i rekla da je previše gorka. Tata je rekal da ona i mora bit gorka, ali je ujna rekla da zna, ali da je ova previše. Moja mala sestrica je jutros gricnula kiseli kukumar i ispljunula ga aš da je previše kisel. Isto je tako strina Luce njurgala da je pršut ki je kupila na sniženju previše slan!?

Ma zač vavik judi njurgaju. Pa ča bi pršutić rabil bit sladak, bira kisela, kiseli kukumari gorki a pekmez slan? Ne razumin!

Iman još puno toga ZAČ, ali me mama zove da moran poć spat aš da se jutro moran rano stat za poć va školu. Ma zač ne bi škola bila zapolne kada se dobro naspin?

Laku noć van želi Mići Bodulić.